Монгол улсад үйл ажиллагаа явуулж буй бүхий л хувийн хэвшлийн бүрэн дунд сургуулиуд нийгэмд үүсээд байгаа эрэлт хэрэгцээн дээр тулгуурлан үүсгэн байгуулагдаж тус тусын үйл ажиллагааг явуулдаг гэж бид ойлгодог. Зарим нь Япон хэл, зарим нь Хятад хэл, зарим нь Орос хэл, эсвэл математик, хими, биологи гэх мэтээр.
Харин “Оюуны Төв” сургуулийн хувьд 21-р зуунд Мэдээлэл технологи өндөр хөгжиж, дэлхий хавтгай болж байгаа өнөө үед цаг үетэйгээ хөл нийлсэн чадварлаг, амжилттай төлөвшсөн бие хүнийг бэлтгэхэд Ерөнхий боловсролын стандарт мэдлэгээс гадна Мэдээлэл технологи /Компьютер/, Англи хэл, Математикийн гүнзгийрүүлсэн мэдлэг, Зан чанар-Ёс суртахууны цогц хөтөлбөр бүхий сургалтуудыг зохион байгуулдаг юм.

“Оюуны Төв” сургуулийн уриа ” Хүүхэд бүрийг хөгжил дэвшилд” гэж байдаг тул бид манай сургуулийг зорин ирсэн хэнд ч нээлттэй гэж ойлгож болно. Харин бид шинээр элсэн суралцаж байгаа сурагчдаасаа тухайн элсэн орж буй ангийн стандарт мэдлэгийг шалгах түвшин тогтоох шалгалтыг хичээл бүрээр авч тэрхүү суурь мэдлэгийг нь ахиулах зорилго тавин ажилладаг гэсэн үг.

Олон улсын стандартын дагуу нэг ангид байх сурагчдын тоо 15-20 суралцагч байдаг бөгөөд энэхүү цомхон бүтэц нь манай сургууль дээрх багш- сурагчдыг харилцан дотно ойлголцоход хамгийн сайнаар нөлөөлдөг тул сурагчдын хичээлийн идэвх оролцоо ч мэдэгдэхүйц сайжирдаг.

Сурагчдынхаа чөлөөт цагийг үр дүнтэй бүтээлч өнгөрүүлэхийн тулд “Оюуны Төв” сургууль хичээлийн дараах “Авъяас” хөтөлбөр хэрэгждэг бөгөөд үүнд дараах дугуйлан секцүүд

Сурагчдын академик мэдлэгийн хоцрогдол арилгах зорилгоор хичээлийн бус цагаар давтлага, нөхөн сургалтууд хичээллэдэг.

Бид бага ангийн сурагчидаа буюу 1-5-р ангийн сурагчдыг өглөө 8.30 – 18.00 цагийн хооронд ажиллуулж мэргэжлийн бага ангийн багшаар гэрийн даалгавар хийлгэх, тоглуулах, амраах, хооллох үйлчилгээг үзүүлдэг.