Тус сургууль нь өөрийн гэсэн алсын хараа, эрхэм зорилгыг тээн, Монгол улсын ирээдүйн иргэдийг сурган хүмүүжүүлэх өндөр хариуцлагатай үүрэг хүлээсэн, Монгол улсын боловсролын хуулийн дагуу зөвшөөрөл олгогдсон байгууллага юм.
Бид Монгол улсын ирээдүйн удирдагчидыг бэлтгэж байна. Хүн бүр удирдагч байдаг. Хүн бүр өөр өөрийн өвөрмөц онцлогтой, билэг авьяастай. Иймд хүүхэд бүрд цаашид мэргэжил эзэмшихэд нь тулгуур болох шинжлэх ухааны суурь боловсролыг чанартай эзэмшүүлэх, өөрийн билэг авьяасыг нээн илрүүлэх, түүнийгээ хөгжүүлэх цаашид түүгээрээ мэргэшиж чадваржихад нь чиглүүлэн дэмжих, “Зан чанар, Амьдрах ухаан” сургалтуудаараа хувь хүний зан чанарыг төлөвшүүлэх, бие даан бодож сэтгэх, үйлдэх чадваруудыг хөгжүүлэх, үйлдэл болон бодолдоо тууштай ханддаг, үнэн зөв шударгыг эрхэмлэдэг, эх орондоо баялаг бүтээх, хөгжүүлэн цэцэглүүлэхэд хувь нэмрээ оруулдаг, ирээдүйн сайн эцэг эх байж сайн сайхан амьдрахын утга учрыг ойлгуулах зорилго тавин ажиллаж байна.
Энэ зорилгын үүднээс төр засаг маань болон гадаад дотоодын байгууллагууд, хувь хүмүүс биднийг үргэлж дэмжин туслаж, хамтран ажилласаар байгаад гүнээ талархаж явдагаа баяртайгаар илэрхиилж байна. Бидэнтэй хамтран өөрийн хайртай үр хүүхдийг сурган хүмүүжүүлж, тэднийг сайн сайхан ирээдүйд бэлтгэх хүндтэй, хариуцлагатай үүргийг хүлээсэн эрхэм хүндэт эцэг эхчүүддээ болон ирээдүйгээ итгэл найдвараар дүүрэн харж, Монгол улсаа хөгжүүлэхэд хувь нэмэрээ оруулах хүсэл мөрөөдлөөр дүүрэн буй хайрт сурагчиддаа, мөн эдгээр хөөрхөн хүүхдүүдийг хайрлан, халамжлах, сургаж хүмүүжүүлэхэд өөрсдийн зүрх сэтгэл, мэдлэг боловсрол, хүч хөдөлмөрөө зориулахад бэлэн байгаа хамтран ажиллагсад, багш сурган хүмүүжүүлэгч та бүхэндээ эрүүл энх, аз жаргал, амьдралын сайн сайхан бүхнийг болон ажил хөдөлмөрийн өндөр амжилтыг хүсэн ерөөж мэндчилье.
